陈法拉终于毕业计划闯好莱坞？自曝TVB没有邀请回巢

事业巅峰期离开TVB嘅陈法拉，并唔系好似其他TVB艺人一样去内地发展，而系选择咗重返学校进修演技，修读戏剧硕士课程。

2014年开始喺美国纽约茱莉亚学院修读4年制戏剧硕士课程，成为全职学生，期间呢，靠接拍广告同出席活动赚学费，2016年趁暑假返香港与黄子华演出舞台剧。

陈法拉寻晚返港出席某酒吧开幕活动，透露已经完成四年嘅戏剧硕士课程，于上周毕业：「呢四年嚟大家都一齐返学，一齐相处，十几个人感情好深厚。」佢仲话聚会当晚大家都忍唔住喊起上嚟，法拉系深受感动：「我哋一路睇住大家嘅转变同成长，系一路扶持。」

法拉表示已开始准备佢嘅工作：「睇紧剧本，有香港啦、国内啦，美国嘅剧本都有，睇下边啲角色自己想做0架啦。」

虽然呢几年佢喺返学，但佢表示喺学校已经过足戏瘾：「讲真，如果你话想过戏瘾嘅话，呢几年都过足啦，返学演嘅角色好有挑战性，好似莎士比亚，最辛苦嘅都做过，甚至八十几岁嘅老人家都演过。同自己真实性格偏差好大嘅角色都演过，所以依家想演番啲同本人贴近嘅角色。」

法拉坦言有意试闯荷李活，觉得而家美国电影市场近两年变化好大，亚洲面孔演出机会多咗，女性亦有多啲演出机会喇，唔会set框架限住自己，唔想畀人觉得亚洲面孔通常只系性感、打女、讲中国口音嘅英文。

至于TVB有冇搵佢回巢拍剧？法拉说：「未同我倾，依家睇紧电影剧本。」也未知有否机会再跟黄子华合作舞台剧。

法拉虽然已经毕业，但目前仍喺纽约定居，爱猫亦在当地，她表示如果返嚟做嘢会搬番香港，未来会不时香港、美国两边走，男友十分支持她。

冇咗娱乐圈嘅困扰同豪门恩怨嘅束缚，36岁嘅法拉越活越精彩，唔知未来法拉会带嚟咩新作品？好期待佢蜕变啦！

新闻推荐

胡玫导演《红楼梦》将开机

由胡玫执导的全新电影版《红楼梦》开机在即，据悉本片制作成本超两亿。日前影片确认“宝黛钗”将由从两万名海选演员中脱颖而出的三位新人演员出演，87版“红楼老戏骨”也有望加盟带来全新演绎，同时剧...