《深宫计》各人结局逐个数，康华韦家雄最悲情

合拍剧《宫心计2深宫计》终于播映大结局，不过因为系同大陆合作，大陆同海外嘅观众可以率先睇，于是结局早已经可以喺网上出现。

嚟到36集大结局，剧情主要都系交代各人下场，好似噚晚嗰集话陈炜喺大殿度俾人揭发佢嘅阴谋，原来成件事系局中局、假死嘅萧正楠收买咗李美慧，等陈炜以为可以嫁祸俾马浚伟。东窗事发后，李龙基将大权交咗俾马浚伟，由马仔发落陈炜嘅下场。

坐上皇位嘅马浚伟，遵从对马国明嘅诺言，本来谂住将胡定欣治罪，点知定欣拎住当年为马浚伟挡咗一刀、而获颁嘅免罪符，结果马浚伟冇废除皇后，仲永远只有一个皇后，但胡定欣永远要喺冷宫生活。

本来出咗宫嘅陈炜，知道自己死路一条，宁愿死喺皇宫，仲自备咗一条白绫，自缢身亡。

为咗可以有安稳生活，萧正楠喺李天翔嘅帮忙下，成功隐瞒身份，可以同心悠出宫。

康华、张慧仪同罗霖恩准出宫，康华第一时间去咗搵韦家雄，点知原来佢一早染病死咗，所谓嘅家书都系临终前写好，再托朋友定时寄俾佢。谢雪心就留喺庙，为当年害死两个皇后嘅事补过。张慧仪同罗霖去咗开店做首饰，同麦玲玲有啲争生意嘅戏。

马国明亦申请咗出宫归隐，而马浚伟就解释咗自己咁多年辱负重，甚至当日系佢杀死心悠嘅姐姐，亦系佢指示张文慈嫁祸俾陈炜，如今马浚伟虽然大权在握，但已众叛离世。

讲到今次角色结局有别过往，有唔少人留言觉有惊喜，马浚伟接受访问话：「多谢！我都好开心，今次刻意转戏路，好多人喜欢，我自己都收到好多回应，大家都话估唔到，作为一个演员，得到咁多回响，梗系觉得开心。」马仔仲话今次系刻意转戏路，试吓呢啲亦正亦邪嘅角色：「喺最尾嗰两集真系过足戏瘾，之前都谂咗好多耐，睇吓放啲出嚟系最好，忍咗咁多集终于可以爆，真系好多谢导演同监制俾好大自由度我去玩。」

欢迎分享至朋友圈

?来源网络

香港娱乐八卦

尽在HKChannel

新闻推荐

港姐首轮面试群魔乱舞 有正妹有纹身女有象腿女也有牙擦苏

据港媒报道，今天新一届港姐面试正式启动，大部分都是长发姑娘，其中不乏好面孔超亮眼。前港姐冯莹莹的港大师妹刘致君...